خاص | طارق هاشم عضو مجلس إدارة النادي المصري : التحكيم دايما بيجامل الأهلي …. وقدمنا شكوى للاتحاد ضد التحكيم

خاص | طارق هاشم عضو مجلس إدارة النادي المصري : التحكيم دايما بيجامل الأهلي …. وقدمنا شكوى للاتحاد ضد التحكيم

طارق هاشم عضو مجلس ادارة النادى المصرى البورسعيدي في حوار خاص لموقع Yalla Goal يكشف فيه علاقة النادى المصري بالاهلي وكل اندية الدوري الممتاز موقفهم من التحكيم المصري مجاملات التحكيم للاهلي الصفقات التى طلبها الكابتن على ماهر لتدعيم الفريق.

هل النادي المصرى سيقدم شكوى لاتحاد الكره بسبب أخطاء التحكيم في مباراة الأهلي ؟

ماتش الاهلي خلاص احنا قفلنا الصفحه دي اللاعيبه خدت اجازه وهنتجمع يوم الجمعة هيكون في معسكر وتدريب استعدادا للمباراة القادمة سواء كأس أو دوري إحنا كده كده قدمنا شكوى والشكاوى ما بتعملش حاجه في الحكام مفيش حد بيعمل حاجه الحمد لله عملنا ماتش كويس اللاعبين كانت على قدر المسؤوليه والجهاز الفني الحمد لله عملنا مباراة جيده بشهادة الجميع ان شاء الله اللي جاي أحسن باذن الله .

هل تتمنى عودة العلاقات مع النادي الأهلي ؟

إحنا معندناش عداوه مع حد إحنا علاقتنا بكل الانديه علاقه كويسة وبدليل أن كلنا شوفنا امبارح اللاعيبه بتسلم على بعض ازاي والأجهزة سلمت على بعض مفيش أى مشكله كانت موجودة في المباراة الكابتن محمود الخطيب رئيس النادي واعضاء مجلس اداره النادي المصري واتقابلنا وسلمنا ما فيش أي مشكله خالص وهو ماتشات قبل كده يمكن شوفناها فى التلفزيون كان موجود قبل كده في مباراه المصري والاهلي استاذ العامري فاروق وكابتن الخطيب و مجلس الاداره قعدنا مع بعضه كان موجود الاستاذ سمير حلبيه رئيس النادي المصري يعني ما مفيش مشكله عندنا مع الاهلي ولا الزمالك مع الاسماعيلي والاتحاد احنا علاقتنا بكل الانديه علاقه كويسه الحمد لله يعني

رائيك فى الهدفين الذي سجلهم الاهلى ؟

رائ أن في كرة في الشوط الاول اللي هو الهدف بتاع محمد شريف كانت في يده واضحه وضوح الشمس هناك بعض المحللين أو أغلبيتهم المحليين كلها قالت ما جئتش الكرة في يده والهدف الثاني برضوا من وجهة نظرى شاكك أنه تسلل لكن اغلبية الا بيحللوا في القنوات او الا بيكتبوا بالمواقع الاغلبيه بتشجع النادى الاهلى.

انا شايف ان مصر كلها بتشجع النادي الاهلي الا القليل الاهلى هو الا واخد التريند بس انا راي ان الحكام بس احيانا بتيجي على الانديه الأخرى لمجامله النادي الاهلي يعني امبارح الشوط أول الحكم ” محمد الحنفى ” سمح بدقيقتين وقت ضايع هو أصلا وقت ضائع بتاع حوالي اربع دقائق هو أضاف دقيقتين فى الشوط الاول والشوط الثاني اضاف اربع دقايق أصلا فى اكثر من خمس دقائق وقت ضائع .

الجماهير بتسأل اشمعنا المحافظ رصد مكافأة للفوز ع الاهلي ومحلصش في مواجهة الزمالك ؟

لا بالعكس عاوز اقول على حاجه محافظ اللي هو اركان حرب ” عادل الغضبان ” محافظه بورسعيد هو كان في زيارة للنادي المصري وحول يعمل حاجه اسمها لم شمل يشجع اللاعيبه والكلام ده ورصد مكافاه فوز وعلى فكره كمان مش الموضوع مكافاة فوز بس حتى ولو انت اتغلبتوا من النادي الاهلي هيكون في مكافاه اجاده للاداء واعتقد انه هيطلعلهم مكافاه للاداء ده اللي ما حدش يعرفه واللى ما حدش ناشره والرجل على طول مساند الفرقه.

وطلع قبل كده مكافئات مباراه الاسماعيلي مباراه الزمالك ومباراه كثيره جدا اللي ما حدش عارف يعني انما المحافظ اركان حرب “على الغضبان ” راجل بيحب النادى وبيشجع النادى وبورسعيدى فى الاصل وعلى فكره ايام ما كان حاكم عسكرى هو الا أصر علي عودة ورجوع النادى المصري يلعب في الدوري بعد ما كان كمان ” كامل ابو على ” رئيس النادى فى الوقت ده كان اعتذر وكان عايز يعمل حاجه اسمها اعتذار سنه ثانيه وهو رفض كان عادل الغضبان كان حكم عسكرى ورفض ان الفرقه متشاركش فى الدورى في الدوري وفعلا الفرقه شاركة علي يده محافظ البلد كان اللواء سماح قنديل الله يرحمه .

ما هى اخبار الصفقات اللى طلبها الكابتن على ماهر ؟

لا لسه موضوع الصفقات لسه يعني مش وقته يعني واعتقد احتياجتنا حاجات بسيطه يعني هيبقى اتنين نص ملعب او باك رايت حاجات خفافى كده يعنى واعتقد لسه ما فيش حاجه يعني الكابتن على طلبها وان شاء الله خير

اترك رد

%d مدونون معجبون بهذه: