خاص |  البلدوزر عبد العزيز توفيق في حوار خاص لموقع يلا جول يكشف موقف أحمد توفيق من الانتقال إلى صفوف النادي الأهلي

خاص | البلدوزر عبد العزيز توفيق في حوار خاص لموقع يلا جول يكشف موقف أحمد توفيق من الانتقال إلى صفوف النادي الأهلي

أجرى الحوار سعيد السعيد

أجرى موقع يلا جول حوارا خاصا مع البلدوزر عبد العزيز توفيق شقيق كلا من أكرم توفيق لاعب النادي الاهلي و أحمد توفيق لاعب نادي بيراميدز يتحدث عن مسيرته الكروية.

البلدوزر عبدالعزيز توفيق ابن محافظة الشرقيه مواليد 24 مايو 1986 بدء لعب كرة القدم فى نادى المنصورة حتى اعتزاله بنادى طلائع الجيش يعمل خاليا مدير فنى لنادى الامير احدى فرق القسم الثالث في أول تجربه تدريبيه.

كيف بدء البلدوزر عبدالعزيز لعب كرة القدم ؟ .

بدايتي كانت من المنصوره الحمد لله لعبت منتخب الشباب مع الكابتن ” محمد رضوان ” ولعبت كأس عالم وانا فى المنصوره .

كابتن حسن مجاهد هو من قام بتصعيدي للفريق الاول كان عندى 17 سنه في الوقت ده كنا بنلعب كأس عالم للشباب الذي كان يقام في هولندا عدت من كأس العالم ربنا كرمني بنادي إنبي قضيت في إنبى 7 سنوات حصلت على بطولة كأس مصر.

ولعبت للمنتخب الوطني وانا في نادى إنبي لعبت مع المنتخب بطولة افريقيا 2010 وكأس القارات ثم انتقلت إلى النادىي المصري أيام ” حلمى ابو على ” كنت في المصري في العام الذي حصل فيها المشكله رحلت عن المصري لسموحة لعبت لمدة موسم رجعت من سموحة على المصري تانى ومن المصرى لطلائع الجيش وفضلت في الطلائع لحد ما اعتزلت الحمد لله .

أفضل مدرب لعبت معه ؟

افضل مدرب لعبت معه هم الكابتن حسن شحاته الكابتن طلعت يوسف.

اعتزلت الكرة ودخلت مجال التدريب وأول محطه ليك مدير فني لنادى الأمير إحدى فرق القسم الثالث .. ما هي كواليس الخطوه دى ؟

اعتزلت ودخلت مجال التدريب وحاليا مدير فني لفريق الأمير من المنصوره درجه ثالثه لعبت معهم مباراة واحدة و فوزنا على كهرباء طلخا 2/1 توجد لدينا اهداف كتير أن شاء الله نحققها.

فرقة الأمير الحاج محمود العزازاى بشكره أنه اداني الثقه دي طبعا شغلنا السنه دى مع الفرقه تقعد في الدرجة لأن الفرقة محتاجه شغل كتير محتاجه كمان لاعبين لكن دي القماشه الا بنلعب بيها دلوقتى كل حاجه تعدي السنة دى بإذن الله .

مين الذي جلب لك العرض لتدريب نادى الامير ؟

من جلب لي العرض وكيلى ” محمد البسنديلى .

” التعامل بيكون عامل ازاى لما بتلعبوا ضد بعض لما كنت بتلعب ضد أحمد مثلا او حاليا لما اكرم ضد احمد الوضع بيكون اى ؟

لا الموضوع عادى أهم حاجة نعمل ماتشات كويسه وخلاص كل واحد يبقا كويس في الملعب ومصلحة الفرقه بتاعته يبص عليها لكن احنا فى الملعب بنكون محدش يعرف حد كل واحد بيلعب لصالح فرقته اخوات بره الملعب انما ده شغل كل واحد لازم يعمل الا عليه بضمير بس الحمد لله .

ما هى توقعاتك لمباراة القمة القادمة ؟

توقعى لماتش القمه أن من سيلعب مباراة جيدة سيفوز لكن انا أتمنى طبعا أن الأهلي يفوز عشان أكرم اخويا بيلعب في الأهلي .

تعليقك على الاحداث التي تحدث داخل نادى الزمالك ؟

لا تعليق

الفترة الاخيرة سمعنا كلام كثير عن أحمد توفيق ….. اخر الموسم هيكون لاعب حر وفي كلام كثير عن أن الأهلي عاوز احمد توفيق في الموسم القادم …. تعليقك على هذا الكلام ؟

انا مش عاوز اتكلم عن أحمد لكن أحمد عنده عروض كثير ربنا يكرمه لكن هو بيحب بيراميدز وعاوز يكمل هناك وبعدين أنا مينفعش اتكلم فى قصته عشان هو حاليا مستمر مع فرقتة بيراميدز الناس هناك بتحبه وهو عاوز يكمل ربنا يكرمه ويشوف الصح والاحسن ليه .

الأهلي عرض ضم أكرم توفيق كان ردكم أى بالرغم من ان العائله زمالكاوية ؟

طبعاً أى حد يجيله عرض من الأهلي كلنا وافقنا طبعا أى حد يتمنى يروح الأهلي ربنا يوفقه ويكرمه ويزيده هو ماشي كويس وربنا يكرمه أن شاء الله .

كان يوجد كلام في أحد المواقع على لسانك أنك مكنتش عاوز أكرم يروح الأهلي عشان أحمد ميزعلش لان احمد وقتها كان في الزمالك وقمت بالكلام مع كذا مسؤل في الزمالك عشان اكرم يروح الزمالك ويوم توقيع العقود كنت أنت واحمد توفيق في الخارج ووالدك كان زعلان ومكنش عاوز يروح مع اكرم التوقيع للاهلى لانه زمالكاوى …… ردك ؟

لا مين قال كده الكلام ده عاري من الصحة ووالدى كان فرحان جدا وسعيد انه راح الاهلى وراح معاه التوقيع لا طبعا مفيش الكلام ده .

اترك رد

%d مدونون معجبون بهذه: